Moskva: “Bu, Azərbaycan və Türkiyənin ideyasıdır və biz bunu dəstəkləyirik”

“3+3” əməkdşalıq format Azərbaycan və Türkiyənin ideyasıdır, Rusiya bu təşəbbüsü dəstəkləyir. ABŞ isə bu təşəbbüsdə arabanın sonuncu təkəri rolunu oynayır”.

“Ölkə.Az” xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.

“3+3” regional mexanizminin yaradılması ideyası Azərbaycan və Türkiyə prezidentləri tərəfindən irəli sürülüb. Rusiya da bu təşəbbüsü dəstəkləyib. Biz də bu prizmandan çıxış edərək hesab edirik ki, regional çoxtərəfli əməkdaşlığın inkişafı bu formatda bütün potensial iştirakçıların maraqlarına tam cavab verir”, - o qeyd edib.

Zaxarova əlavə edib ki, fikrimizcə, bu mexanizmin  reallaşması dövlətlərarası münasibətlərdə inamı artırmağa, ziddiyyətləri həll etməyə və bölgənin iqtisadi, nəqliyyat və humanitar potensialını ortaya qoymağa kömək edər: “Biz bir sıra Qərb dövlətlərinin, ilk növbədə ABŞ-ın bəzi proseslərə müdaxilə etmək və mane olmaq üçün bu işin təkərlərinə çubuq qoymaq istəyini görürük. Və bu cəhdlərdə tipik olan amerikalı tərəfdaşlarımız, belə demək mümkünsə  dezinformasiya ilə məşğul olurlar.

Məsələn, “3+3” təşəbbüsünün müəllifliyini Moskva ilə əlaqələndirərək, bu məsələ ətrafında qəribə oyuna başlayırlar. Bütün bunlar rusofob mühitdə edilir. Ancaq faktlar tamamilə fərqli bir şey deyir. Bəli, biz bu formatı dəstəklədik, amma təşəbbüs başqa ölkələrdən gəldi. Bir daha qeyd etmək istərdim ki, biz öz növbəmizdə bütün iştirakçıların maraqları naminə 3+3 regional məşvərət mexanizminin mümkün qədər tez işə salınmasında maraqlıyıq”.

Mürtəza
Ölkə.Az