İtaliya dövlət katibindən Azərbaycanla Ermənistana sülh mesajı
“Avropa Şurası Azərbaycan və Ermənistan arasında sülhün yaranması üçün tərəflərə lazımi dəstəyi göstərməyə hazırdır”.
"Ölkə.az" "Report"a istinadla xəbər verir ki, bunu İtaliyanın Xarici İşlər və beynəlxalq əməkdaşlıq üzrə dövlət katibi Benedetto Della Vedova Avropa Şurası Parlament Assambleyasının (AŞ PA) qış sessiyasında bildirib.
“2020-ci ildə atəşkəs əldə olunub. Tərəflər bu atəşkəsi poza biləcək addımlardan qəti şəkildə çəkinməlidirlər. Avropa Şurası da öz növbəsində tərəflərə sülhün yaranmasına yardım edəcək məsələlərdə dəstək verməyə hazırdır”, - dövlət katibi deyib.
Xatırladaq ki, İtaliya 18 noyabr 2021-ci ildən Avropa Şurası Nazirlər Kabinetinə sədrlik edir.
