Politoloq: "Putin heç vaxt öz mövqeyini dəyişə bilməz, əks halda məğlub olacaq"
Rusiyaya qarşı tətbiq olunmuş sanksiyaların müddəti daha 6 ay uzadıldı.
Bundan əlavə, Krımda istehsal olunan məhsulların AB ölkələrinə gətirilməsinə qadağa qoyulub. Rəsmi Moskva isə 2018-ci ildə keçiriləcək futbol üzrə Dünya Çempionatının büdcəsini 30 milyard rubl azaldıb.
Rusiya ətrafında baş verən bu prosesləri politoloq Zərdüşt Əlizadə Ölkə.az-a şərh edib.
Zərdüşt Əlizadə: "Krımda nböyük bir istehsal yoxdur. Rusiya özü böyük bazardır və Krım mallarını özü alacaq. O, malları alacaq və pulunu da ödəyəcək. Aİ-nin və bütövlükdə Qərbin Rusiyaya qarşı tətbiq etdiyi cəza tədbirlərinin vaxtının uzadılması əvvəlcədən bilinən bir şey idi və heç kəs ümid etmirdi ki, bu sanksiyalar ləğv ediləcək. Rusiyanın tutduğu mövqe onu elə bir çıxılmaz vəziyyətə salıb ki, Putin heç vaxt öz mövqeyini dəyişə bilməz. Əks halda Putin məğlubiyyətə məhkum olacaq. Rusiya qərb münasibətləri olduqları vəziyyətdə də qalacaq və nə Qərb nə də Rusiya öz mövqeyini dəyişməyəcək. Dünya çempionatı kimi layihələrdə adətən maliyynin məbləği artırılır. Rusiyanın çempionatın büdcəsini azaltması isə, əslində oğurluğun fazinin azaldılması deməkdir".
Səxavət Məmməd
Ölkə.az