Politoloq: "Sarkisyan getsə də heç nə dəyişməyəcək"

19 iyundan başlayan Ermənistandakı üsyan hələ də davam etməkdədir

Bəzi politoloqlar baş verən hadisələri Qərbin oyunu kimi qiymətləndirir. Bəzilər isə bu olanları elə məhz Rusiyanın təşkil etdiyini iddia edir. Əslində Ermənistanda nə baş verir?

Ermənistanda baş verən ohadisələri politoloq Zərdüşt Əlizadə Ölkə.az-a şərh edib.

Zərdüşt Əlizadə: "Ermənistanda baş verənlər nə Rusiyanın oyunudur, nə də Qərbin. Ermənilər ədalətsizlikdən, kasıblıqdan, ümidsizlikdən cana doyub, boğaza yığılıblar. Ona görə də sırf iqtisadi tələblərlə etiraz aksiyasına çıxıblar. İllərdir onun qulu olan Sarkisiyanın hakimiyyətdən getməsi Rusiyanın xeyrinə deyil. Qərbin Ermənistana təsir etmək imkanları çox azdır. Hal-hazırda baş verənlər erməni əhalisinin şəxsi iradəsidir. Qarabağda olan ordunun İrəvana çağırılacağı xəbərləri isə inandırıcı deyil. Ona görə ki, nümayişçilərin sayı bir neçə mindir, o qədər nümayişçini İrəvanda olan polis qüvvələri tərəfindən də dağıtmaq olar. Sarkisiyanın hakimiyyətdən gedəcəyini isə düşünmürəm. Getsə də heç nə dəyişməyəcək".

Səxavət Məmməd
Ölkə.az