Politoloq: \"İŞİD Azərbaycanın sərhədini heç vaxt keçə bilməz\"

İŞİD terror təşkilatının mətbuat katibi Abu Məhəmməd əl-Adnani Şimali Qafqazda yeni inzibati vilayətin yaradıldığını elan edib

Bu gün isə Putin və Obama telefon danışığında İŞİD-lə mübarizənin yollarını müzakirə ediblər.

İŞİD-in Şimali Qafqaza gəlməsi, Azərbaycan üçün hansısa təhlükənin olub-olmamasını politoloq Qabil Hüseyinli Ölkə.az-a verdiyi açıqlamasında şırh edib.

Qabil Hüseyinli: "Rusiya çoxdandır ki, İŞİD-lə bağlı narahatlıqlarını bildirirdi. Rusiyada bir çox politoloqlar hesab edir ki, İŞİD tezliklə Şimali Qafqaza gələ bilər. Bu gün İŞİD-in sıralarında şimali Qafqazadan, xüsusi ilə Çeçenistandan, İnquşetiyadan çoxlu sayda döyüşənlər var. İŞİD-in ən güclü səhra komandirlərindən biri milliyətcə çeçendir. Demək olar ki, çeçen səhra komandiri müdafiə naziri vəzifəsini yerinə yetirir. Hərbi əməliyyatların hazırlanmasına, həyata keçirliməsinə çeçen komandir rəhbərlik edir. Şimali Qafqazda İŞİD-in yaradılması haqqında məlumat yayılması onu göstərir ki, doğurdan da çeçenlər öz ərazilərində kiçik bir qrupu İŞİD kimi formalaşdıra bilərlər. Həmin qrupun üzvlərinin İŞİD-in indi hakim olduğu ərazilərdən gəlməsinə ehtiyac yoxdur. Mövcud Kadırov rejiminə qarşı mübarizə aparan çeçenlər, keçmiş milli azadlıq mübarizəsinin tərəfdarları İŞİD-ə beyət edə bilərlər.

Şimali Qafqazın dağlıq ərazilərində partizan müharibəsi aparmaq o qədər də çətin deyil. Bu cür qruplaşmalar yerlərini dəyişə-dəyişə müəyyən müddət öz ətraflarına adam yığa bilərlər.

İŞİD-in uzun müddətlik dövrü qalmayıb. İŞİD-ə qarşı mübarizə artıq həlledici mərhələyə qədəm qoyub. ABŞ başa düşdü ki, aviasiya zərbələri ilə İŞİD-i məhv edə bilməyəcək. ABŞ quru qoşunlarını İraq ərazisində yerləşdirir və İraq ordusuna təlim keçərək İŞİD-ə qarşı mübarizyə hazırlayır. Türkiyənin də quru qoşunları İŞİD-ə qarşı mübarizəyə başlaya bilər. İŞİD-in sayılı günləri qalıb. İŞİD tam blokadadadır. İraq və kürd peşmərgələri hələ ki, İŞİD-ə qarşı yaxşı mübarizə aparır. İŞİD silahlı bir dəstə kimi, mən onu dövlət adlandırmıram, ona görə ki, o qurama bir şeydir, yaxın vaxtlarda sıradan çıxacaq.

İŞİD-in tərkibində Azərbaycandan da döyüşənlər var. Azərbycanın şimal rayonlarında radikal dini cəryanlara qoşulanlar kifayət qədərdir, ancaq polis, MTN, hərbiçilərimiz vəziyyətə tam nəzarət edirlər. Özünü İŞİD adlandıran hansısa bir qrup Azərbaycan sərhədini heç vaxt keçə bilməz".

Səxavət Məmməd
Öllkə.az