Mətn ölçüsü:
  • 100%

Gürcüstanın baş naziri Azərbaycana təşəkkür etdi

Gürcüstanın baş naziri İrakli Qaribaşvili Tbilisidə baş verən təbii fəlakətin nəticələrinin aradan qaldırılmasında yardım üçün qonşu ölkələrə minnətdarlığını bildirib.

Qaribaşvili nəticələrin aradan qaldırılması üçün müəyyən maddi yardım göstərən biznesmenlərə və ayrı-ayrı şəxslərə təşəkkür edib. Baş nazir bu yardımın təmənnasız konsolidasiyanın ifadəsi olduğunu vurğulayıb.

“Müxtəlif dövlətlərə yardım, kontribusiya üçün təşəkkür etmək istərdim. Eləcə də gürcü və xarici biznesmenlərə”.

Bütün qonşu ölkələrə minnətdarlığımı bildirirəm. Onlar yubanmadan yardım etməyə hazır olduqlarını bildirdilər. Bir neçə ölkənin adını çəkmək istərdim. Mən şəxsən Türkiyə, Ermənistan, Azərbaycan ilə danışmışam. Rusiyadan 100 xilasedici və texnika ilə yardım təklif edilmişdi. Ukraynadan zəng etmişdilər. Hamıya minnətdarlığımı bildirirəm. Çətin anda dövlətimizə yardımın mahiyyəti böyükdür”, - Qaribaşvili bəyan edib.

Ölkə.Az