Azərbaycan donor sahəsində Türkiyə ilə əməkdaşlıq edəcək

Milli Məclisin Səhiyyə komitəsinin  bu gün keçirilən  iclasında “Əhalinin sağlamlığının qorunması haqqında”,  “İnsan alverinə qarşı mübarizə haqqında” , “İnsan orqan və toxumalarının donorluğu və transplantasiyası haqqında”  qanunlara dəyişiklik məsələləri müzakirə olunub.

“Ölkə.Az” xəbər verir ki, parlamentin Səhiyyə komitəsinin sədri Əhliman Əmiraslanovun sözlərinə görə, “İnsan orqan və toxumalarının donorluğu və transplantasiyası haqqında”  qanun komitə tərəfindən hazırlanıb və Prezident İlham Əliyev tərəfindən təsdiq olunub. Sənədin işləməsi üçün Nazirlər Kabinetinin Sərəncamı var. O, bildirib ki, artıq donor bankı yaradılıb, ölkədə orqan və transplantasiya həyata keçirəcək klinikaların adları təsdiq olunub, mütəxəssislərin hazırlığına başlanılıb. Komitə sədri bildirib ki, donor sahəsində Türkiyə ilə əməkdaşlıq nəzərdə tutulub.

Müzakirələrin sonunda deputatlar qanun layihəsini üçüncü oxunuşda plenar iclasının müzakirəsinə tövsiyə ediblər.

Mürtəza
Ölkə.Az