Fazil Mustafa: "Bu məsələlərdə Türkiyə ilə həmrəy olmağımız çox vacibdir"
Bakı-Tiflis-Ərzurum qaz kəmərinin Türkiyənin Qars vilayətindən keçən hissəsində partlayış baş verib
Türkiyənin Enerji və Təbii Ehtiyatlar naziri Taner Yıldız dünən Bakı-Tiflis-Ərzurum qaz kəmərinində baş vermiş partlayışı PKK-nın törətdiyini bildirib.
Baş verən hadisəyə Millət vəkili Fazil Mustafa Ölkə.az-da münasibət bildirib.
Fazil Mustafa: "PKK-nın Qafqazla bağlı hansısa bir fəaliyyəti olacaqsa, Azərbaycan öz sərt mövqeyini ortaya qoya bilər. Azərbaycan Türkiyəyə yardım istiqamətində müəyyən işlər görə bilər. Azərbaycan bu məsələdə daim Türkiyəyə mənəvi dəstək verməlidir. Azərbaycan partladılmış kəmərin bərpasına görə Türkiyəyə köməklik göstərə bilər, çünki bu bizim iqtisadi maraqlarımıza uyğundur. Bu məsələlərdə Türkiyə ilə həmrəy olmağımız çox vacibdir".
Səxavət Məmməd
Ölkə.Az
