Hökumətin prioritet hədəfləri açıqlanıb

2023-cü il dövlət büdcəsi Cənubi Qafqazın lideri olan Azərbaycanın qarşıda duran milli prioritetləri həyata keçirməyə imkan verir.

“Ölkə.Az” xəbər verir ki, bunu Baş nazir Əli Əsədov parlamentdə çıxışı zamanı deyib.

Onun sözlərinə görə, büdcə qarşıya qoyulan milli priorotetlərin müasir meyarlar əsasında həyata keçirilməsinə şərait yaradacaq.

“Hökumətin əsas vəzifəsi birinci mərhələdə dövlətin qarşısında duran hədəflərə çatıb, rifah ölkəsinə çevrilməsi üçün zəmin yaratmaqdır”, - o qeyd edib.

Baş nazir əlavə edib ki, ölkənin qarşısında əsas 5 prioritet müəyyənləşib və hamısı vacibdir: “Amma 4-cü priorotet olan işğaldan azad olunmuş ərazilərin bərpası, “Böyük qayıdış”ın təmin olunması ən mühüm məsələdir. Bu istiqamətdə lazımi vəsaitin ayrılması nəzərdə tutulur. İnkişaf strategiyasına uyğun olaraq 5,2 mlrd vəsait ayrılması nəzərdə tutulur ki, bunun da 3 mlrd vəsaiti işğaldan azad edilən ərazilərin bərpasına, yenidən quurlmasına yönəldilib. Ümumiyyətlə, son iki ildə “Böyük qayıdış”ı təmin etmək üçün 5,8 mlrd vəsait ayrılıb”, - baş nazir qeyd edib.

Mürtəza
Ölkə.Az