Lukaşenkonun növbəti unikal açıqlama: “Mercedes” işə düşmədi - VİDEO

Bişkekdə Avrasiya İqtisadi İttifaqının (Aİİ) sammitində iştirqk edən Belarus lideri Aleksandr Lukaşenko toplantıya gecikməsinin səbəbi kimi “Mercedes”i tənqid etdi.

 

“Ölkə.Az” xəbər verir ki, Lukaşenkodan başqa sammitdə iştirak edən Rusiya, Qazaxıstan, Ermənistan liderləri tədbirin keçirildiyi zaladək maşınlarında gəliblər.

 

Lukaşenko toplantının keçirildiyi binaya piyada və uzun pilləkənləri qalxaraq  gedib. Lukaşenko binaya yaxınlaşarkən onun avtomobili də görünmür. 

 

İçəri girən Lukaşenkonu Qırğızıstan Prezidenti Sadır Japarov qarşılayıb. Belarus lideri vəziyyətə aydınlıq gətirərək deyib: “Gecikmişəm? Ya yox?”.

 

O, qırğız həmkarının əlini sıxaraq vəziyyəti belə izah edib: “Mercedes” zəifdir, işə düşmədi. Ona görə də piyada gəldim”.

 

Bundan sonra hər iki prezident gülərək, birlikdə şəkil çəkdirib və ümumi yığıncaq zalına daxil olublar.

 

Mürtəza

Ölkə.Az