Mirzoyandan sərsəmləmələr: “Beynəlxalq birlik” deyib zarıdı

Avropa Parlamentinin Xarici Əlaqələr Komitəsində çıxış edən Ermənistanın xarici işlər naziri Ararat Mirzoyan sərsəmləmələri ilə yadda qalıb. 

“Ölkə.Az” xəbər verir ki, o, çıxışı zamanı erməni xislətinə xas, özünəməxsus şəkildə avropalı parlamentarilərə həyasızcasına yalan söyləyərək bildirib ki, guya sülh prosesi ilə bağlı üzərlərinə düşən bütün öhdəlikləri yerinə yetiriblər və sülh sazişi imzalayıb, əlaqələr qurmağa, kommunikasiyaları açmağa hazırdırlar.

“Ümumiyyətlə, Azərbaycan gözləyir ki, Ermənistan yalnız onun bütün tələblərini qəbul etməlidir. İstədiyini əldə etməsə, Azərbaycan bütün mümkün təzyiq alətlərindən - erməni hərbi əsirlərin girov saxlanmasından tutmuş, ermənilərə dövlət nifrətinin yayılmasına, silahlı ritorikadan tutmuş, güc tətbiqinədək bütün mümkün təzyiq vasitələrindən istifadə edəcək”, - Mirzoyan qeyd edib.

Sərsəmliyini davam etdirən Mirzoyan onu da bildirib ki, Avropa Parlamentinin ötən həftə qəbul etdiyi fövqəladə qətnamədə qeyd edildiyi kimi, yerlərdə “humanitar” vəziyyəti qiymətləndirmək, habelə BMT-nin müvafiq qurumlarının humanitar yardımların maneəsiz çıxışını təmin etmək üçün Qarabağa və Laçın dəhlizinə beynəlxalq qurumlar faktaraşdırıcı missiyanı göndərməlidir.

Laçın yolunun həll variantına toxunan Mirzoyan deyib ki, bunun iki nəzəri vatiantı var: “Laçın dəhlizindəki “blokada”nın aradan qaldırılmasının iki nəzəri variantı var: hərbi və ya diplomatik. Ermənistan ikinci varianta sadiqdir, lakin bu, yalnız beynəlxalq birliyin qəti müdaxiləsi nəticəsində mümkündür”. 

Mürtəza
Ölkə.Az