“İrana daha öncə də demişdik ki, təhdidlər var, təhlükəsizliyi artırın”

"27 yanvar təqribən 08:30 radələrində Azərbaycanın İrandakı səfirliyinə silahlı hücum terror aktı törədilib".

APA yazır ki, bunu jurnalistlərə açıqlamasında xarici işlər nazirinin müavini Xələf Xələfov deyib.

Xələf Xələfov bildirib ki, bu hadisənin baş verməsi bizin üçün gözlənilməz idi:

“Ona görə ki, belə hadisələrin baş verməsi mümkün deyil, ümumiyyətlə qəbuledilməzdir. Vyana konvensiyasının müvafiq maddələrinə görə səfirliyi qəbul edən ölkə təhlükəsizliyə məsuliyyət daşıyır. Baş vermiş terror hadisəsi və onun ağır nəticələri ilə əlaqədar İran bir dövlət kimi məsuliyyət daşıyır”.

Qafqazinfo yazır ki, nazir müavininin sözlərinə görə, İran tərəfinə dəfələrlə təhdidlərin olduğu çatdırılıb: "Hər hansı bir ölkədə diplomatik fəaliyyəti dayandırmaq çox məsuliyyəti qərardır. Biz İran tərəfinin də nəzərinə çatdırmışıq ki, təhlükəsizliyin təmin edilməsinə görə ümidimiz, etibarımız yoxdur. Biz dəfələrlə İran tərəfinin nəzərinə çatdırmışdıq ki, Azərbaycan diplomatik nümayəndələrinə qarşı təhdidlər var və təhlükəsizlik tədbirlərini artırsınlar".

Ölkə.Az