Ovanesyan: “Yanlış siyasət nəticəsində tələyə düşmüşük, Azərbaycan və Türkiyə…”

“Ermənistan yanlış siyasət və idarəetmə nəticəsində tələyə düşüb və yaxud da ora sürükləyiblər. Nəticədə bu səhvlər hesabına özümüzə problemlər yaradırıq”.

“Ölkə.Az” xəbər verir ki, bunu erməni politoloq Vahe Ovanesyan deyib.

O daha sonra qeyd edib: 

“Bizim seçimimiz Rusiya və ya Qərb arasındadır;
- seçimimiz sülh və ya müharibə arasındadır;
- bizim seçimimiz var: Qarabağı verin, Ermənistanı xilas edin.
Seçimimiz əslində çox sadədir. Yaşamaq və ya məhv olmaq. Dövlət və siyasi düşüncə də eyni dərəcədə sadə bir qərarla üz-üzədir. Fəlakəti gözləmək və ya fəlakəti dayandırmaq”.

Ovanesyan əlavə edib ki, Ermənistan hakimiyyətinin yürütdüyü siaysət nəticəsində heç bir real müttəfiqi qalmayıb: “Bütün güc mərkəzlərinə ziddiyyətli vədlər vermək nəticəsində hamının etibarını itirmişik. Nəticədə biz hər kəsdən ciddi praktiki yox, ancaq sözdə dəstək alırıq. Bu, çox təhlükəli vəziyyətdir”.

O hesab edir ki, Paşinyan hakimiyyəti dəyişməyəcəyi təqdirdə, Ermənistan özü birbaşa yoxolma təhlükəsi altında qalacaq. 

“Ermənistan ərazisində Rusiya ilə Qərb arasında baş verən münaqişədən iki ölkə, Azərbaycan və Türkiyə faydalanacaq və bu, hətta bu gün Ermənistan cəmiyyətində həmin münaqişənin qızışmasına xidmət edənlərə də aydındır”, - erməni politoloq qeyd edib.

Mürtəza
Ölkə.Az