Dövlət qurumundan dərmanların bahalaşması ilə bağlı AÇIQLAMA

Azərbaycanda dərman qiymətləri Tarif Şurası tərəfindən tənzimlənir. 

"Ölkə.Az" xəbər verir ki, bunu İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin rəis müavini Elnur Bağırov deyib. 

O bildirib ki, bu zaman həm idxalçının, həm pərakəndəçinin marjası tənzimlənir və tənzimlənən qiymətlərdə manipulyasiya olmur:

"Adətən istehlakçılar biolojo aktiv maddələri qəbul edir və onların müxtəlif apteklərdə fərqli qiymətlərlə təklif olduğunu görür. Lakin bioloni aktiv maddələrin qiyməti Tarif Şurası tərəfindən tənzimlənmir və bazar tərəfindən müəyyən olunur". 

"Antiinhisar Xidmətinə 16 hal ilə bağlı müraciət daxil olub ki, 2 hal ilə bağl akt tərtib olunub".

Qurum nümayəndəsi bildirdi ki, millət vəkilləri tərəfindən dərman qiymətləri ilə bağlı mövzu qaldırılıb və qurum tərəfindən sui-istifadə hallarının aşkar edildiyi hallarda tədbirlər görülür. 

İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin rəisi Məmməd Abbasbəyli isə bildirdi ki, xidmət tərəfindən farmokoloji sahədə yoxlamaların aparılması məhduddur. Buna səbəb isə sahibkarlıq subyektlərində yoxlamaların aparılması ilə bağlı məhdudiyyət müddətinin artırılmasıdır:

"İstehlakçıların hüquqları o zaman qorunacaq ki, onlar öz hüquqlarını bilsin və tələb etsin".

Könül
Ölkə.Az