Lavrov: Ermənistan Azərbaycan ərazilərini işğal etmişdi, Azərbaycan torpaqlarını geri qaytardı

“Bəli, Azərbaycan ona məxsus olan torpaqları qaytarıb. İndi həm Ermənistan, həm də Azərbaycan Avropa İttifaqı ilə birlikdə 1991-cı ilin dekabrında Alma-Ata Bəyannaməsində göstərilən şərtlərlə sülh müqaviləsi bağlamağa hazır olduqları barədə sənəd imzalayanda, bizim üçün sonrakı addımlar barədə qərar vermək çox çətindir”.

“Ölkə.Az” xəbər verir ki, bunu “Rossiya 24” telekanalına müsahibəsində Rusiyanın xarici işlər naziri Sergey Lavrov deyib.

“Çünki Alma-Ata Bəyannaməsində deyilir ki, yeni müstəqil dövlətlər arasında sərhədlər digər ittifaq respublikaları arasında olduğu kimi, Ermənistanla Azərbaycan arasında da eyni qaydada müəyyən olunacaq. O zaman Dağlıq Qarabağ Muxtar Vilayəti də Azərbaycanın tərkibində olub. Deməli, burada vəziyyət çoxşaxəlidir”, - Lavrov bildirib.
O əlavə edib ki, Qarabağ müharibəsinin tarixi onilliklərə gedib çıxır: “Ermənistan uzun illər Qarabağ ətrafındakı 7 rayonu işğal altında saxladı. Sonra məsələləri siyasi yolla həll etməkdə ümidsizlik dilemması qarşısında qalanda, Rusiya Ermənistanın əvvəlki rəhbərliyinə yaxşı dərk etmədiyi çoxsaylı variantları təklif edib. Lakin Ermənistan rəhbərliyi heç vaxt iddia etmədiyi həmin əraziləri işğalda saxlamaq istədiyindən edilən təklifləri müsbət qarşılamadı”.

Mürtəza
Ölkə.Az