Serbiya Azərbaycandan qaz alacaq - Vuçiç

Serbiya və Bolqarıstanı birləşdirəcək yeni qaz kəməri Azərbaycandan qaz almağa imkan verəcək.

“Ölkə.Az” tass-a istinadən xəbər verir ki, bunu Bolqarıstanda səfərdə olan Serbiya Prezidenti Aleksandr Vuçiç deyib.

Vuçiçin sözlərinə görə, Serbiya və Bolqarıstan arasındakı sistemlərarası qaz kəməri sayəsində Serbiya Qərbi Balkanların digər ölkələri üçün qaz tranziti ölkəsinə çevriləcək.

“Bildiyiniz kimi, biz il yarım əvvəl 402 km-lik mərkəzi qaz kəmərimizi tikmişik, lakin əlavə qaz həcmlərinə ehtiyacımız var, ona görə də Bolqarıstanla birləşdirici konnektor digər mənbələrdən qaz almaq üçün vacibdir...

Avropanın böyük hissəsindən fərqli olaraq, Serbiyanı yenidən sənayeləşdirmək üçün bizə daha çox qaz lazım olacaq. Bu qaz kəməri vasitəsilə Serbiya ildə 1,8 milyard kubmetr qaz ala bilər və o, ikitərəflidir... Beləliklə, bizə məxsus qaz kəmərləri vasitəsi ilə Qərbi Balkan ölkələrini də qazla təmin etməklə tranzit ölkəyə çevrilcəyik. Necə ki, Bolqarıstan bizim üçün tranzit ölkədir”, - Vuçiç qeyd edib.

Bolqarıstanda rəsmi səfərdə olan Vuçiç Serbiya ilə Bolqarıstan arasında qaz kəmərinin tikintisinə başlanılan Sofiya yaxınlığındakı Kostinbrodda tikinti sahəsinə baş çəkib. Bu kəmər vasitəsi ilə Serbiya Azərbaycandan və istənilən digər mənbələrdən təbi qaz almaq imkanı əldə edəcək.

Mürtəza
Ölkə.Az