Azərbaycan Belarusda prezident seçkilərini müşahidə edəcək

Belarusda prezident seçkilərinin monitorinqi üçün artıq 516 yerli müşahidəçi akkreditasiyadan keçib. Bununla yanaşı Müstəqil Dövlətlər Birliyinin missiyasının tərkibinə 400 müşahidəçi daxil olacaq.

Bu barədə Respublikanın Mərkəzi Seçki Komissiyasının sədri Lidiya Yermoşina ilə MDB müşahidəçiləri missiyasının rəhbəri, İcra komitəsinin sədri - Birliyin icraçı katibi Sergey Lebedev arasında görüşdə bildirilib.

“Ölkədə artıq 516 milli müşahidəçi akkreditasiyadan keçib və bu beynəlxalq müşahidəçilərə yardım edəcək ictimai təməldir”, - Yermoşina deyib.

Lebedev öz növbəsində bildirib ki, Belarusda prezident seçkilərində Birliyin missiyasının tərkibində Qazaxıstan, Qırğızıstan, Özbəkistan, Tacikistan, Ermənistan, Azərbaycan, Türkmənistan nümayəndələri olacaq.

“Bu müşahidə üçün iştiraklarını təsdiq edən dövlətlərdir”, - missiyanın başçısı qeyd edib.

Xatırladaq ki, Belarusda prezident seçkiləri 2015-ci ilin oktyabr ayının 11-nə təyin edilib.oxu.az

Ölkə.Az