Politoloq: "Razi Nurllayev və onun yeni dəstəsinin siyasi potensialı sıfırdan da aşağıdır"

AXCP-dən ayrılan Razi Nurullayevin yeni partiya yaratdığı haqda mediada xəbərlər yayıldı.

AXCP-nin Etimad Qurultayının Təşkilat Komitəsi mətbuat konfransı keçirib.

Mətbuat konfransında AXCP sədrinin sabiq müavini Razi Nurullayev bildirib ki, AXCP-dən zorla uzalaşdırılanlar bir araya gəlməyə qərar veriblər. Razi Nurullayev bildirib ki, ya Əli Kərimli partiyadan gedəcək və ya da biz Ədliyyə Nazirliyinə müraciət edib hüquqi təmsilçilik uğrunda mübarizə aparacağıq.

AXCP ətrafındakı qalmaqalı və Razi Nurullayevin iddialarını politoloq Zərdüşt Əlizadə Ölkə.Az-da şərh verib.

Zərdüşt Əlizadə: "Bütnlükdə müxalifətin potensialı çox aşağıdır. Yeni ideya vermirlər, yeni kadrlar yoxdur, tərəfdar yoxdur, seçivilər arasında onlara inam yoxdur. Hakimiyyət müxalifəti müxtəlif üsullarla halsızlaşdırıb. Artıq bir-biriləri ilə mübarizə aparırlar. Hakimiyyətin alternnativi ola bilmirlər. Bu bir fakdır. Razi Nurllayevə və onun yeni dəstəsinə gəldikdə isə, onların siyasi potensialı sıfırdan da aşağıdır, mənfi işarədir. Razi Nurullayev və dəstəsi heç kimdi və heç nədi".

Səxavət Məmməd
Ölkə.Az