Antalyada üçtərəfli görüş keçiriləcək
Fikir mübadiləsi aparılacaq
Ölkə.Az xəbər verir ki, avqustun 28-də Antalyada Azərbaycan, Türkiyə və Türkmənistanın xarici işlər nazirləri Elmar Məmmədyarov, Mövlud Çavuşoğlu və Rəşid Meredov arasında görüş keçiriləcək.
Bu barədə Türkiyə Xarici İşlər Nazirliyinin sözçüsü Tanju Bilgiç məlumat yayıb. O bildirib ki, XİN başçılarının görüşündə Aşqabad toplantısında qəbul olunmuş qərarların icrası haqqında fikir mübadiləsi aparılacaq.
Xatırladaq ki, bu ilin yanvarın 29-da Aşqabad şəhərində sayca ikinci üçtərəfli görüş keçirilmişdi.
Görüşdə tərəflər iqtisadiyyat, enerji, nəqliyyat, təhsil və digər sahələrdə əməkdaşlıq məsələləri ilə bağlı fikir mübadiləsi aparmışdılar.
Görüşün sonunda Azərbaycan Respublikası, Türkiyə Respublikası və Türkmənistan xarici işlər nazirlərinin ikinci üçtərəfli görüşünün nəticələrinə dair Birgə Bəyanat imzalanmışdı.
Rəşid Mustafazadə
Ölkə.Az