Vurğun Əyyub: "ADR üzvləri namizədliklərini verməkdə azaddırlar"

"ADR üzvlərindən kimlərsə namizədliyini verəcəksə təbii ki, biz onu müdafiə edəcəyik"

Qarşıdan parlament seçkiləri gəlir. Siyasi partiyalar imkanları daxilində seçkilərə hazırlaşır. Demokratiya və Rifah hərəkatının seçkilərdə iştirak edib-etməyəcəyi ilə bağlı suala ADR hərəkatının sədr müavini Vurğun Əyyub aydınlıq gətirib.

Vurğun Əyyub Ölkə.az-a verdiyi açıqlamasında bildirib ki, Azərbaycan Demokratiya və Rifah hərəkatı ictimai hərəkatdır. Azərbaycan qanunları onun seçkidə iştirakına imkan vermir. ADR üzvlərindən kimlərsə namizədliyini verəcəksə, təbii ki, biz onu müdafiə edəcəyik.

Müxalif düşərgənin seçkiyə hazırlığı il bağlı suala isə Vurğun Əyyub "Prosesləri izləmirəm. Siyasi partiyaların işi barədə o qədər də məlumatlı deyiləm. Seçkilərdən yaxşı bir nəticə gözləmirəm. Ölkədə nə seçki abı-havası duyulur, nə də seçkinin azad və ədalətli keçiriləcəyinə ümüd yoxdur", deyə cavab verib.

Qeyd edək ki, ADR hərəkatını Müsavat partiyasında keçirlən başqan seçkilərinin nəticsindən narazı qalanlar yaradıb və hazırda ictimai hərəkat kimi fəaliyyət göstərir.

Səxavət Məmməd
Ölkə.az