Politoloq: \"Qərbdə anti-Rusiya əhval-ruhiyyəsi islamofobiyadan güclüdür\"

Pentaqonun başçısı Eşton Karter Rusiya və İŞİD terror təşkilatını ABŞ üçün əsas təhlükələr adlandırıb

Eşton Karterin sözlərinə görə, milli maraqlarımızdan çıxış edərək Rusiya və İŞİD-in qarşısını almalıyıq.

ABŞ və Rusiya arasındakı soyuq müharibəni xatırladan prosesləri politoloq Qabil Hüseynli Ölkə.Az-a şərh edib.

Qabil Hüseynli: "Hələ ki, proseslər soyuq müharibə şəklində gedir. İndiki soyuq müharibə klassik soyuq müharibənin bütün meyarlarına uyğun deyil. Sadəcə olaraq Rusiya potensial təhlükə mənbəyi kimi qəbul edildiyindən ona qarşı müəyyən təbliğati hücumlar qurulur. ABŞ-da əhalinin rəyi soruşulub. ABŞ əhalisinin 80%-i özləri üçün bir nömrəli düşmən Rusiyanı hesab edir. Avropanın özündə də anti-Rusiaya əhval-ruhiyyəsi xeyli güclüdür. İslamofobiya ilə yanaşı anti-Rusiya əhval-ruhiyyəsi də güclüdür. Hətta elə ölkələr var ki, orada anti-Rusiya əhval-ruhiyyəsi islamafobiyadan güclüdür. Baltikyani respubilkalarda, Polşada anti-Rusiya əhval-ruhiyyyəsi hər şeyi üstələyir. Pentaqon rəhbərinin çıxışı dünyanın geosiyasi xəritəsini düzgün əks elətdirir. Maraqlar baxımından təxminən bir neə il öncə siyasi düzənə yön verən ABŞ idi, ancaq son vaxtlar Çinin fəallığı artıb. Rusiyanın fəallığı daha çox artdığından sağa-sola hücuma keçir. Bu isə "Soyuq müharibə" anlayışını zəif də olsa işlətmək məcburiyyəti qarşısında qoyur.

Şərqi Avropada NATO qoşunlarının yerləşdirilməsi ehtiyat tədbir kimi qəbul edilməlidir. Onlar Rusiyaya hər hansısa bir hücum məqsədi güdmür. Sadəcə olaraq Rusiyanın iqtisadi çətinliklərdən bezərək nüvə düyməsinə əl atması göz önünə gətirilir. Bütün məqamlarda Rusiyanın nüvə potensialını heçə endirəcək və yaxud onu zəiflədəcək amillərin görülməsinə güc verilir. Rusiya nə qədər Ukrayna sərhəddinə 50 min qoşun yığsa da, Baltikyani sərhədlərə 30 minə yaxın qoşun toplasa da, bu çox ciddi və real iş deyil. Dünya üçün, ABŞ üçün əsas olan Rusiyanın nüvə potensialıdır".

Səxavət Məmməd
Ölkə.Az