“İstanbulu qazanmağa hazırıqmı?” - Ərdoğan

“2024-cü ildə bələdiyyə seçkilərində həm Üsküdarı, həm də İstanbulu qazanmağa hazırıqmı?”.

Ölkə.az xəbər verir ki, bunu Türkiyə Prezidenti Rəcəb Tayyib Ərdoğan seçkidə yüksək səs toplaması ilə bağlı xalqa müraciəti zamanı deyib.

“Allaha şükür edirəm. Mənə sizin kimi yoldaşlar bəxş etdiyi üçün təşəkkür edirəm. Hər bir qələbəmizi sizinlə birlikdə qeyd edəcəyik. İndi qarşıda bizi 2024-cü il gözləyir. Nə demək istədiyimizi bilirsiniz, hə? 2024-cü ildə bələdiyyə seçkilərində həm Üsküdarı, həm də İstanbulu qazanmağa hazırıqmı? Buna görə də dayanmayın, çox çalışacağıq. Bu dəqiqə polisə dedim ki, mənim Kısıklı meydanında neçə vətəndaşım var? Nömrənin nə olduğunu bilirsinizmi? 55 min... Seçkilər gəlir, gedir, əsas odur ki, ölkəmiz öz məqsədlərindən dönməsin. Millətimizin birliyini, həmrəyliyini qorumaqdır. Bugünkü seçkilərin ən böyük mesajı budur. Seçkilərin nəticələri bir daha göstərdi ki, heç kim bu ölkənin uğurlarına tamah sala bilməz”, - deyə Ərdoğan bildirib.

Qeyd edək ki, bu gün Türkiyədə keçirilən prezident seçkilərinin ikinci turunun hazırda olan nəticələrinə əsasən Rəcəb Tayyib Ərdoğan qalibdir.