Sülh prosesi başlayıb - Simonyan

Sülh sazişindən sonra təminatların olması vacibdir. 

 “Ölkə.Az” xəbər verir ki, bunu Ermənistan parlamentinin sədri Alen Simonyan deyib.

“Əgər Bakı-Xankəndi dialoqu baş tutmasa, problem həll olunmayacaq. Müharibədən dərhal sonra çoxları dedi ki, yenidən etimad səsi alan hökumət yaxın gələcəkdə sülhü təmin edə bilməyəcək. Amma bu gün göz qabağındadır ki, bu istiqamətdə atılan addımlar ən azı mümkün müharibəni gecikdirir”, - o qeyd edib.

Sülh sazişinə toxunan Simonyan deyib ki, sülh prosesi başlayıb və biz yaxşı işləməyə davam etsək müəyyən nəticə əldə edə bilərik: “Siz bizim mövqeyimizi bölüşməyə bilərsiniz. Amma biz bu gün əlimizdə olanların qədrini bilməliyik. Heç kim demir ki, hər şey yaxşıdır. Biz həm beynəlxalq, həm də digər məsələlər baxımından kifayət qədər yaxşı irəliləyirik”.

Mürtəza
Ölkə.Az