Milli Məclisdə yeri boş qalmış deputatlar
Azərbaycan Respublikasının Milli Məclisinin 125 deputatından üçünün yeri müxtəlif səbəblərdən boşdur.
Onlardan Zaqatala rayonunun deputatı Hikmət Atayev 2013-cü ildə avtomobil qəzası nəticəsində dünyasını dəyişib, YAP-ın icraçı katibi Əli Əhmədov baş nazirin müavini vəzifəsinə keçməsi ilə əlaqədar olaraq mandatını təhvil verməli olub və deputat Gülər Əhmədova məlum korrupsiya qalmaqalından sonra həbs edilərək mandatından məhrum edilib.
Hikmət Atayev
Hikmət Atayev (4 fevral 1953, Zaqatala - 7 mart 2013, Balakən rayonu) — Azərbaycan Milli Məclisinin deputatı, Milli Məclisin Sosial siyasət daimi komissiyasının üzvü.
Hikmət Atayev 4 fevral 1953-cü ildə Zaqatala şəhərində anadan olmuşdur. Azərbaycan Dövlət Tibb Universitetinin müalicə-profilaktika fakültəsini bitirmişdir. Rus və ingilis dillərini bilirdi.
1977-ci ildən Zaqatala Rayon Mərkəzi Xəstəxanasında cərrah, 2002-ci ildən Cərrahiyyə şöbəsinin müdiri vəzifələrində çalışmışdır. 2005-2006-cı illərdə Zaqatala şəhər bələdiyyəsinin sədri olmuşdur.
Yeni Azərbaycan Partiyasının üzvü olmuşdur.
2006-cı il mayın 13-də 110 saylı Zaqatala seçki dairəsindən deputat seçilmişdir. Milli Məclisin Sosial siyasət daimi komissiyasının üzvü olmuşdur. Azərbaycan-Almaniya Federativ Respublikası, Azərbaycan-Böyük Britaniya, Azərbaycan-Finlandiya, Azərbaycan-Ukrayna parlamentlərarası əlaqələr üzrə işçi qruplarının üzvü olmuşdur.
7 mart 2013-cü ildə Gürcüstandan Balakən istiqamətində hərəkət edərkən idarə etdiyi "VAZ-2106" markalı maşın "VAZ-21015" markalı maşınla toqquşub. Nəticədə Hikmət Atayev aldığı xəsarətdən hadisə yerindəcə vəfat etmişdir.
Evli idi və 4 övladı var.
Əli Əhmədov
Əhmədov Əli Cavad oğlu (d.27 yanvar, 1953, Dərə, Basarkeçər rayonu, Ermənistan SSR) — fəlsəfə elmləri namizədi, dosent, Azərbaycan Respublikasının Dövlət Qulluğunu İdarəetmə Şurasının və həmin Şura yanında Korrupsiyaya qarşı mübarizə üzrə komissiyanın üzvü, Azərbaycan Respublikası Milli Məclisinin sabiq deputatı, BDU-nun politologiya və sosiologiya kafedrasının müdiri.
Əli Əhmədov 1953-cü il yanvarın 27-də Ermənistan Respublikası Basarkeçər rayonunun Dərə kəndində anadan olmuşdur. Moskva Dövlət Tarix-Arxiv İnstitutunun tarix fakültəsini bitirmişdir. 1 dərsliyin, 50-dən çox elmi əsərin və məqalənin müəllifidir.
1975-ci ildən Baş Arxivlər İdarəsinin baş elmi işçisi, Azərbaycan EA-nın Mərkəzi Elmi Baş Arxivinin müdiri olmuşdur. 1980-ci ildən Azərbaycan Dövlət Universitetində laborant, müəllim, baş müəllim, dosent, kafedra müdiri işləmişdir. 1997-ci ildən Azərbaycan Respublikası Prezidentinin İcra Aparatında şöbə müdirinin müavini vəzifəsində çalışmışdır. 1999–2000-ci illərdə Xətai Rayon İcra Hakimiyyətinin başçısı olmuşdur.
1999-cu ildə Yeni Azərbaycan Partiyasının I qurultayında İcra katibi seçilmişdir.
Yeni Azərbaycan Partiyası sədrinin müavini və partiyanın icra katibidir.
İkinci çağırış Azərbaycan Respublikası Milli Məclisinin deputatı olmuşdur.
2005-ci il noyabrın 6-da 19 saylı Nərimanov birinci seçki dairəsindən deputat seçilmişdir. Milli Məclisin Elm və təhsil məsələləri daimi komissiyasının üzvüdür.
2005-ci ilin martın 26-da III qurultayda YAP Sədirinin müavini və İcra katibi seçilmişdir.
Azərbaycan-Çin parlamentlərarası əlaqələr üzrə işçi qrupunun rəhbəri, Azərbaycan-Belarus, Azərbaycan-İtaliya parlamentlərarası əlaqələr üzrə işçi qruplarının üzvüdür.
2009-cu ildə Polşa prezidentinin sərəncamı ilə iki ölkənin münasibətlərinin inkişafına göstərdiyi xidmətlərə görə "Kavaler" ordeni ilə təltif olunmuşdur.
22 oktyabr 2013-cü il İlham Əliyevin sərəncamı ilə təsdiqlənən Nazirlər Kabinetinin yeni tərkibində YAP-ın sədr müavini-icra katibi Əli Əhmədov da yer alır. Əli Əhmədov Baş nazirin müavini təyin olunub. Azərbaycan qanunlarına görə, icra strukturlarında və nazirlər kabinetində vəzifə tutan şəxslər deputat ola bilməzlər. Əli Əhmədovun baş nazirin müavini təyin olunmasından sonra o, Milli Məclisin qərarı ilə deputat mandatından məhrum edildi.
Evlidir, 2 övladı var.
Gülər Əhmədova
Əhmədova Gülər Mikayıl qızı — Azərbaycan Respublikası Milli Məclisinin sabiq deputatı; Psixologiya elmləri namizədi.
Gülər Əhmədova 1965-ci il avqust ayının 20-də Bakı şəhərində anadan olmuşdur. Azərbaycan Dövlət Pedaqoji İnstitutunun riyaziyyat fakültəsini fərqlənmə diplomu ilə bitirmişdir. Psixologiya elmləri namizədidir. Rus və ingilis dillərini bilir.
1986-cı ildən Bakıda texniki peşə məktəbində müəllim, orta məktəbdə müəllim, direktor müavini vəzifələrində çalışmışdır. 1994-cü ildən Azərbaycan Respublikası Gənclər və İdman Nazirliyinin baş təlimatçısı, şöbə müdiri, idarə rəisi, 1996-cı ildən Azərbaycan Respublikası Uşaq Təşkilatının sədridir. Hazırda Bakı Dövlət Universitetinin müəllimidir.
Evlidir, 3 övladı var.
Yeni Azərbaycan Partiyasının üzvü olub.
Azərbaycan Respublikası Milli Məclisinin dördüncü çağırış seçkilərində Bakı şəhərinin Xətai rayonundan deputatlığa namizədliyini irəli sürmüş və üçüncü dəfə deputat seçilmişdir.
Milli Məclisin Beynəlxalq münasibətler və parlamentlərarası əlaqələr komitəsinin üzvüdür. Azərbaycan-Fransa parlamentlərarası əlaqələr üzrə işçi qrupunun rəhbəri, Azərbaycan-Çexiya, Azərbaycan-Rusiya, Azərbaycan-Səudiyyə Ərəbistanı, Azərbaycan-Türkiyə parlamentlərarası əlaqələr üzrə işçi qruplarının üzvüdür.
Avropa İttifaqı–Azərbaycan parlament əməkdaşlığı komitəsinin üzvüdür.
Deputat mandatından imtina
Beynəlxalq Universitetin keçmiş rektoru Elşad Abdullayev 25 sentyabr 2012-ci il tarixdən etibarən Azərbaycan Respublikasının müxtəlif vəzifəli şəxslərlə görüşlərində gizli yolla çəkilmiş videoları internetdə yayımlamağa başladı. Həmin videoların bəziləri üzrə cinayət işləri açılmış, müxtəlif şəxslər həbs edilmiş və ya tutduğu vəzifədən azad edilmişdir.
Elşad Abdullayevin yayımladığı ilk video çəkiliş Azərbaycan Respublikası Milli Məclisinin deputatı Gülər Əhmədova ilə bağlı olmuşdur. Bu hadisədən sonra Gülər Əhmədova olunmuş və bununla bağlı öz ərizəsi iıə deputat mandatından məhrum edilmişdi.
28 sentyabr 2012-ci il tarixində Gülər Əhmədova deputat mandatının ləğv olunması üçün Milli Məclis rəhbərliyinə müraciət edib. 3 oktyabr 2012-ci il tarixində Azərbaycan Respublikasının Mərkəzi Seçki Komissiyasının bu məsələyə dair iclası keçirilib və toplantıda 34 saylı Xətai II dariəsindən Milli Məclisə deputat seçilmiş Gülər Mikayıl qızı Əhmədovanın mandatından imtina barədə verdiyi ərizəyə baxılıb və onun mandatının ləğv olunması barədə qərar çıxarılıb.
Ölkə.az
