"ABŞ-də Azərbaycan-Ermənistan görüşünü səbirsizliklə gözləyirik"

"Dövlət katibinin (Blinken - red.) tarixləri və ya cədvəli ilə bağlı məndə konkret məlumat yoxdur. Amma bəli, tərəflər sülh yolu ilə danışıqlara can atmağa davam etdiyi üçün biz bu ay Vaşinqtonda danışıqların növbəti raundunun keçirilməsini səbirsizliklə gözləyirik".

Ölkə.Az xəbər verir ki, bunu ABŞ Dövlət Departamentinin mətbuat katibinin müavini Vedant Patel ABŞ-də Ermənistan və Azərbaycan arasında danışıqların yeni raundu ilə bağlı suala cavab verərkən deyib.

O bildirib ki, birbaşa dialoq Cənubi Qafqazda problemlərin həlli və uzunmüddətli və ləyaqətli sülhə nail olmaq üçün açardır: "Birləşmiş Ştatlar Ermənistan və Azərbaycan arasında danışıqların müxtəlif məkanlarda, o cümlədən bu yaxınlarda davam etdirilməsindən məmnundur. Amma bu məsələ ilə bağlı xəbər verəcək başqa heç nəyim yoxdur”.