Yeni struktur yaradılsın, moped və skuter sürənlər cərimə olunsun - Deputat

“Son illərdə Bakıda mopedlərin sayı çoxaldığından yol hərəkətində ciddi problemlər yaratmaqdadır. Moped sürücüləri yol hərəkət qaydalarını pozması nəticəsində çoxsaylı qəzalar yaradır, piyadaları vururlar”.

“Ölkə.Az” xəbər verir ki, bunu deputat Emin Hacıyev parlamentin bu gün keçirilən növbədənkənar iclasında deyib.

O bildirib ki, mopedlərin sayının çoxlamasını nəzərə alaraq moped sürücülərinə sürücülük vəsiqəsi verilsin və onların həkətinin tənzimlənməsinə ciddi nəzarət edilsin.

“Yol hərəkət qaydalarının pozulmasının qarşısını almaq üçün cərimələr tətbiq edilsin”, - o qeyd edib.

Deputat eyni zamanda skuter istifadəçilərinə qarşı cərimə tətbiq edilməsini təklif edib.

O bildirib ki, moped kimi skuterlər də ciddi yol hərəkət qaydasını pozmaqla avtomobillərlə toqquşur, piyadaları vururlar: “Məhz buna görə də Dənizkənarı Milli Parkda skuterlərdən istifadə qadağan edilib. Skuter istifadəçilərinə qarşı cərimə tətəbiq edilsə, yaxşı olar.

Eyni zamanda təklif edirəm ki, skuter və mopedlərin getdikcə sayının artımını nəzərə alaraq xüsusi struktur yaradılsın. Həmin struktur skuterlər üçün  infrasturktur yaratmalıdır. Bu da nəticədə şəhərdə tıxacın qarşsının alınmasına gətirib çıxara bilər”,- deputat bildirib.

Mürtəza
Ölkə.Az