Overçuk Zəngəzur dəhlizi ilə bağlı danışıqların detallarını açıqlayıb

Ermənistan və Azərbaycan arasında nəqliyyat kommunikasiyalarının açılması ilə bağlı hər üç ölkənin baş nazir müavinləri səviyyəsində Moskvada baş tutan  son danışıqlar prosesi 9 saat davam edib.

“Ölkə.Az” xəbər verir ki, bunu Rusiya Federasiyası baş nazirinin müavini Aleksey Overçuk regionda kommunikasiyaların açılması üzrə İşçi qrupun üçtərəfli iclasının nəticələrini şərh edərək deyib.

 “Prinsipcə, mətn yüksək səviyyədə hazırlanıb. Sadəcə, dəmir yolunun keçəcəyi yerlərlə  və digər iki-üç məsələ ilə bağlı uyğunsuzluq var ki, onlar da müzakirə olunmalıdır. Biz bunu səsləndirdik, yüklərin gömrük nəzarətinin necə həyata keçirilməsi barədə razılığa gəldik”, - Overçuk bildirib. 

Onun sözlərinə görə, bu, adi dəmir yolu, pasport, sərhəd, gömrük nəzarəti olan adi sərhəd olacaq.

O qeyd edib ki, bütün tərəflər dəmir yolunun tez bir zamanda  işə salınmasının tərəfdarıdır. 
Həmin yola nəzarət və təhlükəsizlik baxımından Rusiya Federasiyası FSB-nin mümkün iştirakı məsələsinə gəldikdə Overçuk deyib ki, bu, Ermənistandan asılıdır.

Mürtəza
Ölkə.Az