\"Sarkisyan terrorçudur\"

Ermənistanı yenidən mitinq dalğası bürüyüb

Ermənilər küçələrə axışaraq "Talana yox!" deyiblər. Bu zaman mitinq iştirakçıları ilə polis arasında qarşıdurma baş verib. 50-ə yaxın mitinq iştirakçısı polis tərəfindən saxlanılıb.

Bir neçə gün öncə erməni prezidenti Sarkisyanın Rusiya səfəri baş tutub. Səfər zamanı Rusiya Ermənistana 200 milyon dollarlıq güzəştli kredit də ayırdı. Hadisələrin bundan sonra qızışması məsələsi maraqla qarşılanır.

Ermənistanda baş verən son hadisələri Azərbaycan Sosial Demokrat Partiyasının sədri Araz Əlizadə Ölkə.Az-a şərh edib:

"Artıq erməni xalqı başa düşüb ki, quldurların əlində girovdur. Sarkisyan terrorçudur. Sarkisyandan əvvəlki prezident Koçaryan da terrorçu idi. Bunlardan öncəki prezident Levon ter Peteresyan isə separatçı idi. Ermənilər terrorçuların, separatçıların hakimiyyəti altında yaşamaqdan yorulublar. Ona görə də, üsyana qalxıblar.

Erməni xalqı hakimiyyəti devirmək istəyir, ancaq bu mümkün olmayacaq. Ona görə ki, erməni hakimiyyətinin arxasında Rusiya var".

Qeyd edək ki, "Talana yox!" mitinqi elektrik enerjisinin qiymətinin qalxmasına qarşı təşkil edilib. Ermənistanda elektrik enerjisinin qiymətinin qalxması 2015-ci il 1 avqust tarixindən qüvvəyə minib.

Səxavət Məmməd
Ölkə.Az