Elmira Axundova: \"Seçicilərim yenidən namizəd olmağımı istəyirlər\"

"Noyabrın 1-də keçiriləcək parlament seçkilərində namizəd olub-olmayacağımı dəqiqləşdirməmişəm. Hələlik bu barədə ciddi düşünürəm. Amma deyə bilərəm ki, hazırda deputatı olduğum 71 saylı seçki dairəsinin seçicilərindən çoxlu sayda məktublar, mesajlar, zənglər gəlir və onlar mənim yenidən namizəd olmağımı istəyirlər".

Bu sözləri Ölkə.Az-a açıqlamasında millət vəkili Elmira Axundova əməkdaşımızın "parlament seçkisində namizəd kimi iştirak edəcəksinizmi" sualını cavablandırarkən səsləndirib. E.Axundova bildirib ki, yaxın iki gün ərzində bu barədə qəti qərar verəcək:

"Çox güman ki, qərarım müsbət olacaq. Çünki seçicilərim yenidən namizəd olmağımı istəyirlər".

Qeyd edək ki, parlament seçkiləri noyabrın 1-də keçiriləcək.

İntiqam VALEHOĞLU
Ölkə.Az