Dirəniş göstərməliyik, çalışmalıyıq – Siyavuş Novruzov

3+3 formatından sonra Azərbaycana qarşı təzyiqlər daha da aratacaq.

Ölkə.Az xəbər verir ki, bunu Milli Məclisin növbəti plenar iclasında deputat Siyavuş Novruzov deyib. 

Onun sözlərinə görə, son vaxtlarda Avropa ölkələrinin Azərbaycana qarşı ədalətsiz təzyiqlərini görməkdəyik.  “Amma Ermənistandan fərqli olaraq Avropanın iqtisadi həyatında və enerji təhlükəsizliyinin təmin edilməsində Azərbaycan müstəsna rol oynayır. Avropanın ən çətin günündə onun yanında olan Azərbaycandır. Avropa ölkələri görüşlərdə Azərbaycanın rolunu yüksək dəyərləndirsələr də, arxada ölkəmizə qarşı qərəzli və ədalətsiz sənədlər qəbul edirlər”, - o qeyd edib.

Deputatın fikrincə, buna səbəb Avropa İttifaqının Avropa ölkələrinə təzyiqidir: “Bu cür təzyiqlər olacaq, lakin biz buna dirəniş göstərməliyik və mübarizəmizi davam etdirməliyik”.

Tehranda keçirilən 3+3 formatındakı görüşə toxunan Novruzov deyib ki, bundan sonra Azərbaycana qarşı təzyiqlər daha da artacaq: “Ona görə də mövqelərimizi gücləndirmək üçün çalışmalıyıq”.

Mürtəza
Ölkə.Az