Azərbaycan bütün platformalardan faydalanmalıdır – Vahid Əhmədov
Avropa Parlamentinin və digər ölkələrin Azərbaycana qarşı qərarların arxasında dayanan Framsa prezidenti Makrondur.
Ölkə.Az xəbər verir ki, bunu Milli Məclisin iclasında deputat Vahid Əhmədov deyib.
O bildirib ki, ermənilərin Qarabağdan çıxarılmasını etnik təmizləmə kimi qələmə verməyə çalışırlar: “Bu təzyiqlər Azərbaycan Prezidentinin yürütdütü düzgün siyasətə qarşı yönəlib. Amma BMT kimi nüfuzlu təşkilatların rəyi var. Biz xarici siyasətimizdə bundan səmərəli istifadə etməliyik. Heç kim təminat vermir ki, erməni konsensusu 20-30 ildən sonra Azərbaycan dövlətinə problem yaratmayacaq. Fransa və Ermənistan qarşılıqlı dostluq razılaşması əsasında qurulduqdan sonra bu bəyanatlar arxa plana keçəcək. Buna uyğun olaraq, problem yarananda beynəlxalq təşkilatlarla əməkdaşlıq şəraitində həll etməliyik”.
Deputat eyni zamanda əlavə edib ki, Azərbaycan bacardıqca Ermənistanla sülh sazişinin imzalanmasına nail olmalıdır: “Bütün təzyiqlərə baxmayaraq Azərbaycan bütün platformalardan faydalanaraq sülh sazişinin imzalanmasına nail olmalıdır. Sülh sazişi imzalanarsa, digər məsələlər öz həllini tapacaq”.
Mürtəza
Ölkə.Az