Putin və Ərdoğan arasında telefon danışığı olub 
Mətn ölçüsü:
  • 100%

Putin və Ərdoğan arasında telefon danışığı olub 

Rusiya Prezidenti Vladimir Putinlə Türkiyə Prezidenti Rəcəb Tayyib Ərdoğan arasında telefon danışığı olub.

"Ölkə.az" APA-ya stinadən xəbər verir ki, dövlət başçıları arasında növbəti telefon danışığı zamanı Yaxın Şərqdə mövcud kəskin böhran vəziyyətinin müzakirəsi davam etdirilib. Mülki itkilərin sayının artması və Qəzza zolağında humanitar vəziyyətin fəlakətli şəkildə pisləşməsi ilə bağlı dərin narahatlıq ifadə edilib, yaşayış məntəqələrinə, dini və sosial obyektlərə zərbələrin endirilməsinin yolverilməzliyi vurğulanıb.

Rusiya tərəfinin BMT Təhlükəsizlik Şurası vasitəsilə həyata keçirdiyi fəal səylər, o cümlədən qan tökülməsinin dayandırılması və ehtiyacı olanlara humanitar yardımın maneəsiz çatdırılması istiqamətində Türkiyənin müvafiq siyasi və diplomatik addımları nəzərdən keçirilib.

Rusiya və Türkiyənin mövqelərinin praktiki olaraq üst-üstə düşdüyü və İsraillə sülh və təhlükəsizlik şəraitində birgə mövcud olan müstəqil Fələstinin yaradılmasını nəzərdə tutan məşhur iki dövlət formulunun həyata keçirilməsinə yönəldiyi vurğulanıb.

Bundan başqa, Rusiya ilə Türkiyə arasında müxtəlif sahələrdə qarşılıqlı faydalı əməkdaşlığın artan tempi məsələlərinə toxunulub.

Vladimir Putin Rəcəb Tayyib Ərdoğanı Türkiyə Cümhuriyyətinin qarşıdan gələn yüzilliyi münasibətilə təbrik edib, bütün vətəndaşlarına firavanlıq və rifah arzulayıb.