Brüsseldə Əliyev-Mişel-Paşinyan görüşü olmayacaq - AÇIQLAMA

Oktyabrın sonunda Aİ Şurasının sədri Şarl Mişel, Azərbaycan Prezidenti İlham Əliyev  və  Ermənistanın baş naziri Nikol Paşinyan arasında görüş olmayacaq. 

Ölkə.Az xəbər verir ki, bunu Aİ-nin Cənubi Qafqaz və Gürcüstan böhranı üzrə xüsusi nümayəndəsi Toivo Klaar deyib. 

Xüsusi nümayəndə görüşün baş tutmamasının səbəbini vaxt darlığı ilə izah edib.

“Bizim məqsədimiz Qarabağ ermənilərinin öz evlərinə qayıtmasıdır. Əliyevin iştirak etmədiyi Qranada görüşünə əhəmiyyət verərək indi Brüsseldə Əliyev-Paşinyan görüşünü təşkil etməyə çalışırıq”, - Klaar qeyd edib.

O əlavə edib ki, prosesin yavaş tempinə baxmayaraq, inanır ki, nəticə sənədin imzalanması olacaq. 

Klaar həmçinin Tehranda “3+3” formatında keçirilən son görüşü müsbət qiymətləndirib, onu faydalı hesab edib, eyni zamanda heç bir başqa formata zidd olmadığını bildirib. “Hesab edirəm ki, qonşular arasında müzakirələr vacib və faydalıdır. Biz həmişə prinsipial olaraq əməkdaşlığın tərəfdarıyıq”, - avropalı diplomat bildirib.

Mürtəza
Ölkə.Az