Azərbaycanın siyasəti Avropanı blokladı: “Nə edəcəklərini bilmirlər” – Alman politoloq
“Fransanın Cənubi Qafqaz regionunda fəaliyyətə marağı erməni diasporunun nüfuzu və amilindən qaynaqlanır. Çünki erməni lobbisi Fransa hakimiyyətə təzyiq göstərir və bu gücə malikdir”.
Ölkə.Az xəbər verir ki, bunu alman politoloq Aleksandr Rar açıqlamaında deyib.
Alman politoloqun sözlərinə görə, məsələyə daha geniş yanaşsanız görərsiniz ki, artıq müstəqil Fransa və ya müstəqil Almaniya siyasəti yoxdur.
“Avropa ölkələri arasında müəyyən razılaşma var ki, geosiyasi məsələləri birgə həll etmək lazımdır. Qafqazda baş verənlər isə çox ciddi geosiyasi hadisədir. Buna görə də, Fransa Aİ-nin həm Ermənistan, həm də Azərbaycanın daxil olduğu genişlənmə tərəfdaşlığı proqramı ilə əlaqədar olaraq siyasətinə qarşı müstəqil şəkildə siyasət yürüdə bilməz”, - politoloq qeyd edib.
O əlavə edib ki, bu baxımdan da Avropa ölkələri öz qurduqları tələyə düşüblər: “Çünki onlar həmişə saatlarını əsasən Aİ ölkələri ilə sinxronlaşdırmalıdırlar və bu, çox fərqli maraqlar olduğundan çətindir.
Həm Ermənistanı, həm də Azərbaycanı Rusiyanın təsir orbitindən çıxarmağa çalışan, KTMT və Aİİ əleyhinə işləyən Qərb başa düşməlidir ki, bu iş sonda pis bitə bilər. Ona görə ki, Qərbin Qafqazda təsiri çox azdır.
Düşünürəm ki, ayıq Avropa köhnə dünyaya yeni kütləvi köçə səbəb olacaq ikinci qaynar nöqtəni istəmir. Ona görə də o, hər şeyi edəcək ki, Qafqazda Rusiya ilə Qərb arasında yeni qarşıdurma nöqtəsi mənasında ikinci Ukrayna olmasın.
Bu gün Avropa özünü göstərmək istəyir ki, o da var. Bununla sübut etmək istəyir ki, o da Rusiya və ABŞ ilə yanaşı, aparıcı rol oynaya bilər.
Əgər Avropa həqiqətən də müharibəyə son qoymaq və kompromis tapmaq istəsəydi, o zaman Aİ-nin yüksək rütbəli rəsmiləri Ermənistan və Azərbaycanla sərhədə gəlib bu münaqişəni dondurmaqdansa, həll etmək niyyətlərini nümayiş etdirə bilərdilər.
Amma mənə elə gəlir ki, bu gün avropalılar Qafqazda nə edəcəklərini bilmirlər, onların konsepsiyası və resursları yoxdur. ABŞ-ın öz geosiyasəti var, lakin onlar anlayırlar ki, onların qüvvələri yalnız Ukraynaya kifayət edir. Bundan əlavə, onlar daima Çinə baxmağa məcbur olurlar”.
Mürtəza
Ölkə.Az
