Ermənistan Brüsseldə sülh müqaviləsi imzalamağa hazırdır- Armen Qriqoryan 

“Dövlət başçıları səviyyəsində oktyabrın sonunda baş tutmalı olan görüş planlaşdırılırdı. Ermənistan bu görüşə getməyə hazır olduğunu bildirdi, lakin təəssüf ki, görüş baş tutmadı. Ümid edirik ki, yaxın gələcəkdə bu görüş mümkün olacaq”.

Ölkə.Az xəbər verir ki, bunu Ermənistanın Təhlükəszilik katibi Armen Qriqoryan deyib.

Qriqoryan vurğulayıb ki, Ermənistan sülhə hazırdır.

“Biz sülh müqaviləsi bağlamaq üçün mandat aldıq. Hazırda biz Ermənistanla Azərbaycan arasında sərhədin dəqiqləşdirilməsini, ərazi bütövlüyünün açıq şəkildə təsdiqlənməsini və blokadanın açılmasının dörd prinsip əsasında həyata keçirilməsini istəyirik. Bunlar mühüm prinsiplərdir. Biz bununla da danışıqları yekunlaşdırmağa, eləcə də bütün mövcud humanitar problemləri həll etməyə hazırıq. 

Ermənistan bu gündəm üzrə danışıqları davam etdirməyə, Brüsselə getməyə, son nöqtəyə çatmağa və sülh müqaviləsi imzalamağa hazırdır”, - deyə Qriqoyan  vurğulayıb.

Mürtəza
Ölkə.Az