Ankara-İrəvan münasibətləri mühümdür, xoş xəbərlər olacaq - Paşinyan

“Ermənistan Türkiyə ilə dialoq aparır. Diplomatik münasibətlərin qurulmasında heç bir uğurumuz olmasa da, keçmişdə belə aktiv dialoqumuz olmayıb”.

Ölkə.Az xəbər verir ki, bunu Ermənistanın baş naziri Nikol Paşinyan ATƏT PA-nın İrəvanda keçirilən iclasında deyib.

O deyib ki, Ermənistanın Türkiyə ilə münasibətlərinin tənzimlənməsi, Cənubi Qafqazda sülhsevər, inkişaf edən mühitin strateji baxışı üçün mühüm amildir. O ümid edir ki, yaxın vaxtlarda Ermənistan-Türkiyə sərhədinin üçüncü ölkə vətəndaşları və diplomatik pasport sahibləri üçün açılması ilə bağlı xəbərlər eşidə biləcəklər.

“Bu, çox simvolik bir addım olacaq. Ümid edirik ki, Cənubi Qafqaz dünyanı xoş xəbərlərlə təmin edəcək regiona çevriləcək”, - Paşinyan bildirib. O, Ermənistanın bu məqsədə nail olması üçün lazımi məsuliyyəti daşımağa hazır olduğunu vurğulayıb.

Mürtəza
Ölkə.Az