Paşinyan Azərbaycana məxsus 8 anklav və eksklavdan danışdı
“Sülh müqaviləsinin prinsiplərindən biri də SSRİ dövründə Azərbaycana məxsus olan anklavlar/eksklavlar, o cümlədən Ermənistana məxsus Başkənddir (Artsvaşen). Sülh prosesində bu iki məsələ həll olunmalıdır”.
Ölkə.Az xəbər verir ki, bunu Ermənistanın baş naziri Nikol Paşinyan deyib.
O bu problemin həlli üçün bir neçə variantın olduğunu vurğulayıb.
“Deyək ki, biz Başkənd üzərində, Azərbaycan da mövcud olan anklavlar üzərində suverenliyini de-yure təsdiq edir. Burada çoxsaylı suallar var. Birincisi, bu eksklavın ərazisini müəyyən etmək lazımdır. İkincisi, bizim Başkəndlə birbaşa sərhədimiz yoxdur, biz Azərbaycandan ora necə keçəcəyik? Burada problemlər yaranır.
Burada başqa bir həll yolu tapmaq olar. Ermənistan ərazisi ilə əhatə olunan o anklavlar Ermənistan, Azərbaycan ərazisi ilə əhatə olunan ərazilər isə Azərbaycan ərazisi hesab ediləcək. Bu, artıq konkret razılaşmanın mövzusudur”, - Paşinyan bildirib.
O əlavə edib ki ki, bu mövzu ətrafında müzakirələr aparılıb və hazırda konkret razılaşma yoxdur.
Mürtəza
Ölkə.Az
