İlin sonunadək bu şəxslərə 1500 ev veriləcək - Sahil Babayev - YENİLƏNİB

5500-dək imtiyazlı şəxslərə, xüsusən də şəhid ailələri və müharibə əlilləri mənzillə təmin edilib.

Ölkə.Az xəbər verir ki, bunu əmək və əhalinin sosial müdafiə naziri Sahil Babayev Milli Məclisinin Əmək və sosial siyasət komitəsinin bu gün keçirilən iclasında deputatların suallarını cavablandırarkən deyib.

“Cari ildə 1500 evin təmin edilməsi nəzərdə tutulur. İlin sonunadək 1500 imtiyazlı şəxsin mənzillə təmini icra olunacaq”, - nazir deyib.

Mürtəza
Ölkə.Az

***

Milli Məclisdə 2024-cü il büdcə zərfindəki sosial sahəyə aid beş qanun layihələri üçüncü oxunuşda müzakirəsinə başlanıb. 

Ölkə.Az xəbər verir ki, Milli Məclisinin Əmək və sosial siyasət komitəsinin bu gün keçirilən iclasında 2024-cü il büdcə zərfinə daxil olan “Dövlət sosial müdafiə fondunun 2024-cü il büdcəsi haqqında”, “İşsizlikdən sığorta fondunun  2024-cü il büdcəsi haqqında”,  “Azərbaycan Respublikasında 2024-cü il üçün yaşayış minimumu haqqında”, “Azərbaycan Respublikasında 2024-cü il üçün ehtiyac meyarının həddi haqqında” , “Sosial sığorta haqqında” qanun layihələri müzakirə olunmaqdadır. 

İclasa büdcə müzakirələri zamanı iradı olan deputatlar da dəvət olunub. İclasda Əhalinin sosial müdafiəsi naziri Sahib Babayev iştirak edir. Nazir deputatların birinci və ikinci oxunuş zamanı səslənən təklif və iradları cavablandırır.

Mürtəza
Ölkə.Az