Blinken sülhə sadiqliyinə görə Əliyevə təşəkkür edib

ABŞ dövlət katibi Entoni Blinken Azərbaycan Prezidenti İlham Əliyev və Ermənistanın baş naziri Nikol Paşinyanla iki ölkə arasında sülh müqaviləsinin bağlanması imkanlarını müzakirə edib. 

Ölkə.Az xəbər verir ki, bu barədə Dövlət Departamentinin mətbuat xidmətinin rəhbəri Metyu Millerin yaydığı bəyanatda deyilir.

Bəyanatda deyilir ki, Blinken sülh sazişinə sadiqliyinə görə Azərbaycan Prezidenti İlham Əliyevə təşəkkür edib. 

“Dövlət katibi Prezident Əliyevin Azərbaycan və Ermənistan arasında uzunmüddətli və layiqli sülh sazişi bağlamaq öhdəliyini alqışlayıb. Dövlət katibi bu uzunmüddətli münaqişənin həm azərbaycanlılara, həm də ermənilərə gətirdiyi bütün iztirabları etiraf edir və sülhün regionda hər kəsə gətirəcəyi faydaları vurğulayır. Dövlət katibi ABŞ-nin Azərbaycanla sıx əməkdaşlıq münasibətlərini müzakirə edib. O həmçinin əməkdaşlığın, xüsusən də sülh prosesi ətrafında gücləndirilməsi imkanlarından və yüksək səviyyəli əməkdaşlığın vacibliyindən danışıb”, - Dövlət Departamentinin sözçüsü adından yayılan bəyanatda deyilir. 

Blinken Paşinyanla söhbətində isə ABŞ-nin sülh müqaviləsinə nail olmaq səylərinə dəstəyini müzakirə edib. 

Mürtəza
Ölkə.Az