Mətn ölçüsü:
  • 100%

Yalnış informasiyalara əsaslanan qətnamələr sülhə zərbə vurur - Spiker

Milli Məclisin sədri Sahibə Qafarova Çexiya Parlamenti Senatının sədri Miloş Vıstrçil ilə görüşüb və görüşdə  ölkələrimiz arasında əlaqələrin inkişaf etdirilməsi baxımından parlamentlərarası münasibətlərin önəmi qeyd olunub.

Ölkə.Az xəbər verir ki, bu barədə Milli Məclisin Mətbuat və ictimaiyyətlə  əlaqələr şöbəsindən məlumat verilib.
edib. 

Çexiya Parlamenti Senatının sədri Miloş Vıstrçil i bildiirb ki, Azərbaycan Çexiya üçün dost ölkədir. 

Müasir dövrdə enerji məsələlərinin əhəmiyyətini qeyd edən çexiyalı sədr deyib ki, iki ölkə arasında enerji sahəsində əməkdaşlığı yüksək qiymətləndirib. O, həmçinin ölkələrimiz arasında ticarət dövriyyəsinin artırılması ilə bağlı niyyətlərini də ifadə edib. 

Görüşdə Azərbaycanın etibarlı tərəfdaş olduğu, Avropanın neft-qaz tədarükçüsü kimi əhəmiyyətli rolu vurğulanıb. Ölkələrimiz arasında müxtəlif sahələrdə əməkdaşlığın daha da genişləndirilməsi üçün yaxşı imkanların olduğu diqqətə çatdırılıb 

Milli Məclisin sədri Sahibə Qafarova ölkələrimiz arasında münasibətlərin inkişafında qarşılıqlı səfərlərin və görüşlərin, siyasi məsləhətləşmələrin intensivləşməsinin vacib rol oynadığını qeyd edib. Bu baxımdan, dövlət başçılarının qarşılıqlı səfərləri, yüksək səviyyəli görüşlər əlaqələrin daha da inkişafı baxımından mühüm əhəmiyyət kəsb edir.

Spiker deyib ki, parlamentarilərimiz arasında təmasların gücləndirilməsi həm qanunverici orqanlarımızın əməkdaşlığının daha da dərinləşdirilməsinə, həm də iki ölkə ictimaiyyətinə obyektiv məlumatların verilməsinə, ölkələrimiz arasında həqiqətdən uzaq məlumatların yayılmasının qarşısının alınmasına xidmət edər. 

Cənubi Qafqaz bölgəsində, o cümlədən Ermənistan-Azərbaycan münaqişəsi ilə bağlı mövcud duruma toxunan Sahibə Qafarova  qarşı tərəfi Ermənistanın ölkəmizə qarşı törətdiyi hərbi-siyasi təxribatlar, o cümlədən mina təhdidləri, Azərbaycan tərəfindən cari ilin sentyabr ayında 24 saat ərzində həyata keçirilmiş antiterror tədbirləri, Azərbaycanın münasibətlərin normallaşdırılması, sülh müqaviləsinin imzalanması istiqamətində təşəbbüsləri barədə məlumatlandırıb. Sahibə Qafarova mövcud vəziyyətlə bağlı qəbul edilən qeyri-obyektiv, yalnış informasiyalara əsaslanan qətnamələrin sülh prosesinə zərbə vurduğunu bildirib.

Mürtəza
Ölkə.Az