Sitatın sonu: Etibar Hüseynov mandatsız qalacaq

Millət vəkili Etibar Hüseynov noyabrın 1-də keçiriləcək parlament seçkilərində namizəd kimi iştirak etməyəcək

Ölkə.az-ın məlumatına görə, bu barədə deputat özü sosial şəbəkədə məlumat verib:

"Əziz dostum və qardaşım Ülvi Quliyevin bir sıra obyektiv səbəblərdən namizədliyini deputatı olduğum 15 saylı dairədən irəli sürməsi planlarımı dəyişdi. Hər şeyi sıfırdan başlamaq isə böyük maliyyə, vaxt və enerji tələb edir. Etiraf edək ki, bugünkü kifayət qədər siyasiləşmiş cəmiyyətimizdə arxanda ciddi siyasi qüvvə və maliyyə rıçaqları olmadan bitərəf şəkildə seçkiyə qatılmaq çox çətindir. Buna görə də seçkilərə qatılmamaq qərarımı verdim. Bütün namizədlərə uğurar arzulayıram. Hər şey bu qədər bəsit. Sitatın sonu".

Qeyd edək ki. E.Hüseynov deputat olana kimi "Lider" telekanalında jurnalist kimi fəaliyyət göstərib.

Ölkə.az