Paşinyan Qərbə aldandı, düşünürdü ki, Azərbaycan... - Zurabyan

“Qərb Nikol Paşinyanın ümidlərini boşa çıxardı. Paşinyan Qərbin güclü olduğuna əmin oldu və aldandı. Hesab edirdi ki, Qərb Azərbaycanı Ermənistan üçün əlverişli şərtlərlə sülh müqaviləsi imzalamağa məcbur edə bilər”.

Ölkə.Az xəbər verir ki, bunu Ermənistan Milli Konqresinin sədr müavini (Levon Ter-Petrosyanın lideri olduğu partiya-red) Levon Zurabyan deyib.

“O əvvəldən bilirdi ki, bunun əvəzi Qarabağdan imtina etməkdir. Yəni Paşinyan Qarabağdan imtina edir, bunun nəticəsində Rusiyanın mövqeləri zəifləyir, buna cavab olaraq Qərb ona dəstək verməli idi. Qərb bunu sırf diplomatik yolla dəstəklədi, lakin işlənmiş planın həyata keçirilməsinə gəldikdə isə məlum oldu ki, Qərbin təsirinin çox ciddi məhdudiyyətləri və sərhədləri var”, - Zurabyan bildirib. 

Onun sözlərinə görə, Paşinyan Rusiyanın uduzacağına və Qərbin birləşərək Rusiyanı diz çökdürəcəyi təbliğatına inanıb. “Buna inanaraq, o, Qərbə ümid bəslədi. Amma yanıldı”, - o qeyd edib.

Mürtəza
Ölkə.Az