Ağ Ev dalana dirənib: Pul tükənib, Putin də hazır deyil

ABŞ-nin Ukraynaya hərbi yardım üçün pulu tükənib.

Ölkə.Az xəbər verir ki, bunu ABŞ Milli Təhlükəsizlik Şurasının sözçüsü Con Kirbi deyib.

Onun sözlərinə görə, ABŞ Konqresi dərhal Ukraynaya hərbi maliyyənin ayrılmasının lehinə səs verməlidir. “Çünki Ağ Evin artıq Ukraynaya silah ötürmək imkanı yoxdur”, - o bildirib.

Ukraynaya 61,4 milyard dollar yardım nəzərdə tutan qanun layihəsi dekabrın əvvəlində Senat respublikaçıları tərəfindən bloklanıb. 

Moskva ilə danışıqlara gəldikdə isə Kirbi vurğulayıb ki, bəzi Qərb mətbuatında yayılan xəbərlərə baxmayaraq, Putinin danışıqlara hazır olduğuna dair heç bir sübut yoxdur. “ABŞ Rusiyanın Ukraynada atəşkəs əldə etmək istəyini görmür. Putin danışıqlara hazır adam kimi davranmır”,- o qeyd edib.

Mürtəza
Ölkə.Az