Blinken yenidən Ankaraya gedir: Bizi çətin seçim gözləyir - DETALLAR

ABŞ dövlət katibi Antoni Blinken yenidən bir həftəlik Yaxın Şərq ölkələrinə səfərə çıxır. O,  Türkiyə, Yunanıstan, İordaniya, Qətər, Birləmiş Ərəb Əmirliyi, Səudiyyə Ərəbistanı, İsrail, Misir, Batı Şeriayada olacaq. Səfər zamanı keçirdiyi görüşlərdə bir sıra ciddi məsələləri müzakirə edəcək. 

Ölkə.Az xarici mediaya istinadən xəbər verir ki, Blinken keçirdiyi görüşlərdə əsasən İsrailin 7 oktyabrdan sonra HƏMAS-a qarşı davam edən hərbi əməliyyatı, Qəzzaya humanitar yardımların artırılması üçün təcili tədbirlərin görülməsi və qalan girovların azad edilməsi kimi mövzuları müzakirə edəcək.

Onun Türkiyəyə səfəri zamanı uzunmüddətli regional əməkdaşlıq, o cümlədən İsveçin NATO-ya üzvlüyünün təsdiqlənməsi prosesinin yekun addımları müzakirə edəcək.

ABŞ rəsmiləri deyir ki, bu səfər Blinken üçün elə də asan olmayacaq: “Biz bu səfərdə görüşlərdə müzakirə olunan məsələlərin asan olacağını gözləmirik. Açığını deyim ki, regionun üzləşdiyi çətin məsələlər və bizi çətin seçimlər gözləyir”.

Qeyd edək ki, bu Blinkenin oktyabrın 7-dən sonra HƏMAS-İsrail müharibəsi dövründə bölgəyə 4-cü səfəri olacaq.

Mürtəza
Ölkə.Az