Deputatlığa namizədliyini vermiş partiya sədrləri və funksionerlər

Azərbaycanda Parlament seçkilərinə bir aydan da az vaxt qalıb.

Ölkə.az oxucularını deputatlığa namizədliyini vermiş liderlər, partiya sədrləri və funksionerləri ilə tanış edir:

Namizədliyi qeydə alınanlar

Müsavat başqanı Arif Hacılı Xətai 33-cü dairədən namizədliyini irəli sürüb;

Azərbaycan Sosial Demokrat Partiyasının sədri Araz Əlizadə 35 saylı Xətai üçüncü seçki dairəsindən deputatlığa namizədliyini verib;

Vəhdət Partiyasının sədri Tahir Kərimli 87 saylı Ağsu-İsmayıllı seçki dairəsindən namizədliyini irəli sürüb;

"Ümid" partiyasının sədri İqbal Ağazadə də əvvəl seçildiyi dairədən, yəni Xətai 35 saylı seçki dairəsindən yenidən namizədliyini irəli sürəcək;

Müsavat Partiyasının sabiq başqanı İsa Qəmbərin 15 saylı Yasamal Birinci Seçki Dairəsindən namizədliyini irəli sürüb;

"Ana Vətən" Partiyasının sədri Fəzail Ağamalı 60 saylı Salyan-Neftçala seçki dairəsindən deputatlığa namizədliyini irəli sürüb;

VHP sədri Sabir Rüstəmxanlı namizədliyini hazırda deputat olduğu 72 saylı Yardımlı-Masallı Seçki Dairəsindən verib;

Böyük Quruluş Partiyasının sədri Fazil Qəzənfəroğlu yenidən 26 saylı Sabunçu 1-ci seçki dairəsindən (Bakıxanov qəsəbəsi) namizədliyini irəli sürüb;

Bütöv Azərbaycan Xalq Cəbhəsi Partiyasının (BAXCP) sədri Qüdrət Həsənquliyev 7 saylı Ordubad-Culfa seçki dairəsindən namizədliyini irəli sürüb;

Azərbaycan Xalq Partiyasının sədri Pənah Hüseyn deputatlığa namizədliyini doğulduğu Sabirabad rayonundan verib;

Azərbaycan Demokrat Partiyasının (ADP) sədri Sərdar Cəlaloğlu 9 saylı Binəqədi 2-ci seçki dairəsindən namizədliyini irəli sürüb;

Azərbaycan Milli Demokrat Partiyasının sədri (AMDP) İsgəndər Həmidov 123 saylı Kəlbəcər seçki dairəsindən namizədliyini irəli sürüb;

Ədalət Partiyasının sədri İlyas İsmayılov növbəti dəfə mandatını qorumaq üçün yenə 106 saylı Tovuz-Qazax-Ağstafa seçki dairəsindən namizədliyini təkrar irəli sürüb;

Vətəndaş və İnkişaf Partiyasının sədri Əli Əliyev 15 saylı Yasamal birinci seçki dairəsindən deputatlığa namizəddir;

Aydınlar Partiyasının sədri Qulamhüseyn Əlibəyli namizədliyini 69 saylı Cəlilabad-Masallı-Biləsuvar seçki dairəsindən namizədliyini verib;

Eks-müsavatçı, Azərbaycan Demokratiya və Rifah Hərəkatının sədr müavini Vurğun Əyyub 30 saylı Suraxanı birinci seçki dairəsindən qeydə alınıb;

Qeydə alınmayanlar

Klassik Xalq Cəbhəsi Partiyasının (KXCP) sədri Mirmahmud Mirəlioğlu da parlament seçkilərində iştirak etmək istəsə də, MSK onun namizədliyini qeydə almayıb;

Seçkidə iştirakdan imtina edənlər

Azərbaycan Liberal Partiyasının (ALP) lideri Lalə Şövkət Hacıyeva builki parlament seçkilərində iştirak etməyəcək;

Liberal Partiyanın sədri Əvəz Temirxan da lideri kimi deputatlığa namizəd olmayacaq;

Azərbaycan Milli İstiqlal Partiyasının (AMİP) lideri Etibar Məmmədov da deputatlığa namizəd olmaqdan imtina edib;

Milli Şuranın üzvü olan Azərbaycan Xalq Cəbhəsi Partiyasının (AXCP) sədri Əli Kərimli parlament seçkilərinə qatılmayacaq;

Milli Şuranın sədri, 2013-cü il seçkilərində bu qurumun prezidentliyə vahid namizədi olmuş Cəmil Həsənli də seçkilərə qatılmayacaq;

Milli Şuranın yaradıcılarından olan politoloq Eldar Namazov da seçkilər haqda düşünmür;

Ölkə.az