Deputatlığa namizəd yer üstündə şikayətlənir

Seçki zamanı seçicilərimizlə daha rahat görüşlər keçirməmiz üçün məhdud şərait yaradılıb

Bu sözləri Ölkə.Az-a açıqlamasında gənc namizəd Ruslan İzzətli bildirib:

"Ölkə üzrə hər seçki dairəsində seçicilərlə görüşmək üçün yalnız iki yer ayrılıb. 33 saylı Xətai birinci seçki dairəsində 40 mindən çox seçici var. Deputatlığa namizəd 40 min seçici ilə görüşmək üçün yalnız iki yerdən istifadə etməlidir. Namizəd olduğum dairədə qapalı görüş üçün "Bakı" kinoteatrını, açıq görüş üçün Məzahir Rüstəmov küçəsi 31-də yerləşən binanın həyəti ayırılıb. Hər iki görüş yeri bir-birinə yaxın ərazidədir.

Kənd Əhmədli ərazisində olan seçicimə mesajımı çatdırmaq üçün mən nə etməliyəm? Seçici 3-4 km yol gəlib mənimi dinləməlidir?

Seçicilərimin informasiya blokadasında qalması və fərqli fikir eşitməməsi üçün atılan bütün addımlara qarşı biz də əlimizdən gələni edəcəyik. Seçki qərargahı olaraq hər bir seçicinin ayağına gedəcəyik və ölkənin real durumun onlara çatdırıb, çıxış yolu göstərəcəyik".

Qeyd edə ki, R.İzzətli D18 Hərəkatının lideridir.

Ölkə.az