Müsavat partiyası seçkiləri boykot edəcək

Partiyadakı məlumatlı mənbədən Ölkə.az-a daxil olan informasiyaya görə, sabah Müsavat Divanının iclası keçiriləcək.

Mənbə xəbər verir ki, Divanın çağırılması namizədliyi qeydə alınmamış partiya üzvlərinin təkidli tələbi ilə keçirilir. Partiyanın müxtəlif dairələrdən namizədliyini irəli sürmüş üzvlərinin böyük hissəsinin namizədliyinin qeydə alınmaması partiya daxilində ciddi narazılığa səbəb olub. Onlar Müsavat rəhbərliyindən seçkilərin boykot olunmasını tələb edirlər.

Mənbə bildirir ki, bu məsələ ətrafında başda başqan Arif Hacılı olmaqla namizədliyi qeydə alınmış funksionerlərlə qeydə alınmayan müsavatçılar arasında mübahisə yaranıb.

Narazıların sayının çoxluğundan onların təzyiqlətinə tab gətirməyən rəhbərlik sabah divanı toplamaq qərarına gəlib. Namizədliyi qeydə alınmamış müsavatçılar başqan Arif Hacılının qarşısında şərt qoyaraq, onu əgər partiya seçkilərə getsə, partiyadan kütləvi şəkildə çıxacaqları ilə hədələyiblər.

Mənbənin məlumatına görə, Müsavat rəhbərliyi sabah seçkiləri boykot haqda artıq şifahi qərar veriblər.

Ölkə.az