Fazil Mustafa: "Bu, həm də Azərbaycan türklərinin acı günüdür"

"Ankarada bu gün baş vermiş faciəli terror hadisəsinə görə türk millətinə, Türkiyənin cumhurbaşqanına və həlak olanların ailələrinə başsağlığı verirəm və Allahdan səbr diləyirəm".

Ölkə.Az xəbər verir ki, bu fikirləri millət vəkili Fazil Mustafa sosial şəbəkədə paylaşıb.

Türk xalqına başsağlığı verən millət vəkili, həmçinin terrorla mübarizəni gücləndirməyin vacibliyini vurğulayıb: “Bu, həm də Azərbaycan türklərinin acı günüdür və bütün Türkiyə ilə birlikdə bizlər də eyni həssaslığı yaşayırıq. Terrora qarşı mübarizənin daha qətiyyətlə aparılması vacibdir ki, bu kimi faciələr daha yaşanmasın”.

Xatırladaq ki, bu gün Ankaranın Səhiyyə meydanında keçiriləcək mitinqdən əvvəl iki partlayış baş verib, 47 nəfər ölüb, 126 nəfər yaralanıb.

Rəşid Mustafazadə

Ölkə.Az