Olaf Şoltsdan İrəvan və Bakıya çağırış: Sülh danışıqları tezliklə başa çatdırılmalıdır 

Almaniya kansleri Olaf Şolts Ermənistan və Azərbaycan arasında sülh danışıqlarının mümkün qədər tez başa çatdırılmasına çağırıb. 

Ölkə.Az xəbər verir ki, bu barədə Almaniya hökumətinin rəsmi saytında bildirilir.

“Kansler tərəflərin həll edilməmiş məsələləri və fikir ayrılıqlarını yalnız dinc dialoq yolu ilə və güc tətbiq etmədən həll etmək öhdəliyini qeyd edib. Üçtərəfli müzakirələr zamanı kansler iki ölkə arasında sülh danışıqlarının mümkün qədər tez başa çatdırılmasına çağırıb. Almaniya və Avropa, ümumilikdə, Aİ Şurasının sədri Şarl Mişelin səyləri də daxil olmaqla, bu prosesi mümkün qədər dəstəkləməyə hazırdır”, - məlumatda deyilir.

 Mürtəza
Ölkə.Az