“Putinin millətçi döyüşçülüyü bu ölkələr üçün faciədir, onlara kömək edin”

Avropa Kiyevi lazımi səviyyədə silahla təmin etmək istiqamətində yeni addımlar atmasa, Ukrayna Rusiya ilə müharibəni uduza bilər.

Ölkə.Az xəbər verir ki, bu barədə “The Times” yazır.

Nəşrin yazdığına görə, Qərb Ukraynanı silah-sursat, hərbi texnika və hava hücumundan müdafiə vasitələri ilə təcili təmin etməzsə, Ukrayna nəinki işğalçını sıxışdıracaq, Rusiyaya uzun müddət müqavimət göstərməsi mümkünsüz olacaq.

"The Times" Avdeyevkanın məğlubiyyətini acı və eyni zamanda simvolik məğlubiyyət hesab edir.

Navalnının ölümündən sonra camaat qarşısında təbəssümlü görünən Putin Avdeyevkanın ələ keçirilməsini bayram kimi qeyd edib. O, Ukraynada davam edən münaqişənin "ölüm-dirim" mübarizəsi olduğunu söyləyərək rus qoşunlarını təbrik edib.

"Seçim indi aydındır. Avropa silah və yardım çatışmazlığını aradan qaldırmazsa, o zaman Ukraynanı məğlubiyyət gözləyir", - "The Times" yazır.

Bu, “bahalı və ağrılı” olacaq, lakin Putin nəyin risk altında olduğunu göstərdi.

"The Times" onu da qeyd edib ki, Putinin millətçi döyüşçülüyü təkcə “Kremlə meydan oxuyan azsaylı cəsur ruslar üçün faciə deyil”, o, Rusiyanın sərhədindəki bütün ölkələr, xüsusən də Baltikyanı ölkələr üçün təhlükədir.

Mürtəza
Ölkə.Az